Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Бог прыйшоў на грэшную зямлю.

Сярэдняя: 4 (2 галасоў)

Бог прыйшоў на грэшную зямлю.

Бог прыйшоў на грэшную зямлю.
Для людзей святло вялікае заззяла.
Бог прыйшоў на грэшную зямлю.
Каб ужо Валадарства вечнае настала.

Усе чакалі ваяра, цара,
А прыйшло маленькае дзіцятка.
Усе чакалі надзвычайных з’яў,
А ў яслях спавівалі немаўлятка.

Так, звычайны хлеў стаў у тую ноч
Шмат важней і велічней палаца.
Бо ў ім прыйшоў на свет Хрыстос,
Божы Сын і Міласэрны Збаўца.

Цемру разагнала ў тую ноч святло,
Для людзей надзея зноў настала.
І любоў выразней і ярчэй чым у тую ноч,
Ад стварэння Свету нам не ззяла.

Бог прыйшоў на грэшную зямлю.
Чалавекам стаў, каб выцярпець нямала...
Бог прыйшоў на грэшную зямлю,
Каб урэшце ўжо зямля святою стала!