Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Бяссоньне

Сярэдняя: 5 (7 галасоў)
Ня сьпіцца нешта мне сягоньня, 
Хоць цела рвецца на спачын... 
Там —
            за вакном —
                                  ляціць пагоня 
Імклівых,
                вольных аблачын.

Іх толькі Бог адзіны пасьвіць,
Але і Ён ня мае пут...
I ты ня сьпіш... 
                        I пальцы ў пасмах —
Знак неадпрэчлівых пакут.

Мая душа затрапятала 
Прад змрочнай прорвай
                                       адкрыцьця: 
Каб разам быць — хвіліны мала, 
I мала цэлага жыцьця.

I, можа, з гэтае прычыны 
Табе таксама не да сну... 
Ляцяць,
             зьнікаюць аблачыны 
I не зьліваюцца ў адну.