"Есць у нашых душах успаміны"
----------------------------
Есць у нашых душах успаміны
Пра куток маленькі на зямлі
І плывуць,плывуць да той радзімы
Нашы думкі быццам караблі...
Пастарэўшы дом стаіць каля дарогі
Пад страхою ластаўкі гняздо
Тут яны бацькоўскія парогі
І маленства на мяне глядзіць у акно
Залаціцца колас на палетках
Васількоў,рамонкаў дзіўны пах
Пчолкі і шмялі снуюць па кветках
Песню заспяваў нябачны птах
Тут мая радзіма,пад крылом бусліным
У вянку азер,у стужках рэк
Свой куточак любы і адзіны
Памятай жа,кожны чалавек!