Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Калыханка для паэта

Сярэдняя: 2.3 (3 галасоў)

Баю-баюшкі-баЮшкі...
Спі, паэцейка, засні.
Коўдру пухкую на вушка
па-дзіцячы нацягні.

Укруціся з галавою
ў цеплыню і ў цішыню—
ды не ВЕРШнікам, не воем—
дзіцянём у стылі "ню".

Не турбуйся пра пустое—
пра спісАныя лісты,
і пра сёе, і пра тое...
што паэт ніякі ты.

Падцягні пад пузік ножкі,
і падушку абдымі,
і ціхенечка, патрошкі,
у нязбыўнае нырні.

Ды не ў ахі... ахінею
несказАных сказаў-слоў,
а ў люлявую лілею
найсалодкіх светлых сноў.

Хай яны і не наяве,
ды і ў іх жыве "паэзь"—
і, заўваж, не дзеля славы—
проста так, як "інтарэс!"

Спі, засні...

А, ты празаік?
І не чуў лухту маю?
Зараз я табе пра "заяк"
"усыпальную" "спяю".