Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Кружляе вуха Галяктыкі

Сярэдняя: 4.4 (5 галасоў)

Кружляе вуха Галяктыкі
    І чуе з даляў сьвятло,
Як дзесьці новыя мятлікі
    На зёлках сушаць крыло,

Як у стаўку апалонікі
    Гадуюць лапы свае,
І як вужака тоненькі
    Паблізу колцы віе,

Як шчэраць зубы айсбэргі,
    У неба плывучы,
І кляцаюць клюшнямі крабікі,
    І гаснуць у моры зьнічы,

Як поўняць шчоку яблыкі
    Як танчаць пазванкі,
Й вянкі сплятаюць д’яблікі
    Нам зь лініяў рукі...