Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Мацi сення на рабоце.

Сярэдняя: 3 (5 галасоў)

Мацi сёння на рабоце.
Гаспадар у хаце — коця.
А малечы "на закланне"
"ма" пакінула "бацяню".

Уручыла кніжкі ў рукі —
вывучайце "аз" ды "букі"! —
і паклала побач цацкі —
разнастайніць пал чытацкі.

А на кухні на сняданак,
аздабляючы смятанай,
"нааладзіла" аладак.
Ім дзятва заўсёды рада!

На абед каструлю супу
згатавала. І — прыкупам —
кашу з мясам і кампоцік —
на-ка, радуйся, жывоцік!

Ледзьве дзверы зачыніла...
Пачалося... Божа мілы!
Дзеці, быццам шторм у моры,
забурлілі ў калідоры,

хваляй рынулі на кухню,
з'елі ўсё (каб не пратухла!),
ўсё, што можна, раскідалі
(ды не будзем пра дэталі...)

Заскакалі, як лягушкі,
і, схапіўшы тры падушкі,
сталі біцца (кожны ж — "лыцар",
немагчыма ўгаманіцца).

Бедны тата ў поўным шоку
спрабаваў сур'ёзным вокам
прыпыніць падушкабойку.
Ды не здолеў. Толькі войкаў.

Ранак выдаўся гарачым,
а дзянёк — сусвет не бачыў:
кніжкі птушкамі ляталі,
цацкі кашку даядалі,

кот, як вісельнік, на люстры
горка плакаў. Ліст капусны
з галадухі "хрумкаў" тата,
"апярыўшыся" у вату.

І ў такім вось тарараху —
тры шчаслівыя мардахі —
у зіхценні, бы мядалі —
як жа добра пагулялі!

Маці вечарам — у дзверы —
"Што за жах такі ў кватэры?"
Ў кухні, ў зале— ўсюды ліха,
а ў дзіцячай... ціха-ціха...

Тата спіць, і кот, і кніжка,
спяць Андрэйка, Санька, Цішка,
мішкі, лялькі і жырафік,
стол, і стул, і кніжны шкафік...

Маці побач прыкархнула —
так, у крэслі, і заснула.

18.01.2015