Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

На зоркавым схіле...

Сярэдняя: 5 (7 галасоў)

На золаку ўлетку,
на зоркавым схіле
мы папараць-кветку
знайшлі і … згубілі.

Знайшлі і згубілі,
і выстылі страсці —
мы хутка забылі
імгненнае шчасце.

Імгненнае шчасце
забылі адчайна —
не здолела стацца
ні лёсам, ні тайнай.

Ні лёсам, ні тайнай…
Журбою і смуткам
прыходзіць звычайна
шчымлівай мінуткай.

Шчымлівай мінуткай
загадкай адорыць —
каб стаў больш
спакусным,
каб зведаў лепш горыч.

Каб зведаў лепш горыч
і мёд пачуцця
на плынным прасторы
вячніны жыцця.