Сонечныя абноўкі...
*******************************
Прыляцелі з выраю шпакі -
Абудзілі спевам наваколле.
Сонечна-прыгожыя дзянькі
Нам вясна прыносіць у прыполе.
Верабей чырыкае малы,
Ціўкае ля веснічкаў сінічка.
Сакавік блакітам наталіў
Небасхіла шэрую спаднічку.
І падхопіць песню красавік,
Май аншлаг падорыць салаўіны.
Размалюе, нібы чараўнік,
Лес, сады і кожную хвіліну!
Пчолка стане кветку цалаваць,
Побач сядзе божая кароўка.
І зямельку будзе не пазнаць
У святочна-сонечных абноўках!
17.03 - 2015 г.