Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ты як?

Сярэдняя: 2.5 (8 галасоў)

Ён вечна турбуе пытаннем: "Ты як?"
"Ты як?" —
і чакае адказу...
Хоць знае, "тыяка",
(адзначаны факт!):
ніхто і ніколі,
ні разу,

яму не паскардзіўся ў горы-бядзе
і ў шчасці не выказаў "радо"...

А ён усё роўна свой допыт вядзе.
І ўвесну, і ў час лістападу,
і ўзімку, і летам,
і ноччу, і днём
паглядвае і наглядае:
"Ты як?" —
улязае між явай і сном.
"Ты як?" —
бы святар спавядае.

І маецца,
маецца,
маятны дух,
і кружыць
няўпынна,
і кружыць...
І гэты нястрымны
размераны рух
душу іспытуе
(і вушы!):

"Ты — як?"

А і праўда ўжо, думаю, — як?"
Ці так я жыву, як належыць?"

"Ці так?" —
перайначвае "песню",
"Ці так?" —

наглядчык-гадзіннік
на вежы...