Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

У нашай вёсцы не было сабак...

Сярэдняя: 4.6 (10 галасоў)
У нашай вёсцы не было сабак,
Што пільна сцерагуць сады і дачы.
I я здавён
            супроць сабак — слабак,
Не разумею нораў іх сабачы.

...Вось ён ідзе,
                 не зводзячы вачэй
З рыпучых весніц,
                  як з варот дзяржавы,
I на касматай шыі валачэ,
Нібы граніцу,
               свой ланцуг іржавы.

Ён поўсцю адчувае:
                    гаспадар
Не раз з акна за ім цікуе коса
I недзе прыхаваны шчодры дар —
Нікім яшчэ не грызеная костка.

Ах, гэты непаўторны смак касцей,
Заслужаных нялёгка,
                    недармовых!
Ён з-за яго кідаўся на гасцей
I нават на дзяцей гаспадаровых.

Ён добра знае:
               за празмерны спрыт
Ніколі на яго злаваць не будуць.
І ён гырчыць на ўсіх,
                       начэй не спіць,
Ад слоты не хаваецца у буду.

З нянавісцю ў ашчэраных зубах
Ён адпаўзае з косткаю пад дрэвы...
...А ў нашай вёсцы не было сабак.
Вяскоўцы штось не мелі ў іх патрэбы...
Jordan