Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

У вуснаў ёсць дамова з языком...

Сярэдняя: 4.1 (25 галасоў)
                                Вусны ўзносяць да неба — а iхны
                                язык па зямлi валачэцца.
                                                                     Псальм 72:9

У вуснаў ёсць дамова з языком.
Пра гэта змоўчыць цiшыня нямая.
Язык трымацца мусiць пад замком,
А неспасцiжны ключ душа трымае.
Бо вусны — вусце думкi,
Што сама
На выйсце просiць у душы дазволу.
На думку кратаў i замкоў няма.
Бянтэжыць думка ерась i крамолу.
Душа — гняздоўе
Прыцемку й святла.
Хто ўзважыць,
Што ў душы пераважае.
Не раз палону тлен перажыла
Душа.
Яна й твая табе чужая.
Часовыя,
Не ведаем, калi
Душа пакiне нас,
Як думка высi.
Але язык не вiнен па зямлi,
Як пуга пастухова, валачыся...