Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Вачыма дзіцяці

Сярэдняя: 3 (6 галасоў)

Вачыма дзіцяці альбо мудраца,
які затрымаўся ў маленстве,
зірні на сусвет праз "гало" дзьмухаўца —
і ўгледзь
ува ўсім
падабенства.

Ва ўсім, што народжана ўлоннем зямлі
пад сонейка-ліўня наглядам:
што ўранні квітнее — так хораша! — і...
злятае...
увечар...
ападам.

Знікае кудысьці "нікім і нічым",
пагнанае ветрам-вазніцай
у дальнюю блізь
і ў блізень-далячынь,
каб потым...
ізноўку...
з'явіцца —

па промніках сонца,
па нітках дажджоў,
па "чырканню" жнівеньскіх знічак...

у новае "быцьма" —
адвечнае шоў —

аднойчы...
парой маляўнічай...