Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Валошкі

Сярэдняя: 4.6 (17 галасоў)

Зацвілі валошкі!..
Кропелек блакіту
Хтосьці сыпнуў трошкі
Па буйному жыту.

Гляну на квет, гляну
Прыхіну далонню…
Па далёкіх ранках
Светлы сум зазвоніць…

—Зацвілі валошкі!… —
Радасць сваю гэту
Колісь нёс у вёску,
Як для ўсяго свету.

Бачу ў снах я часта:
Збажына — высокая,
Сцежкай пакручастаю
Я бягу, падскокваю!..
Васількоў пажары
Паабапал сінія …
Ўзносяць мяне мары,
Мары легкакрылыя…

Я б нічога болей
Не хацеў, каб трошкі
Гойснуць зноў па полі,
Дзе цвітуць валошкі!