Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Згубілі веру?

Сярэдняя: 4.1 (7 галасоў)

Згубілі веру? У людзей?
А вам патрэбна вера тая?
Дык вось танцуйце: добры "дзей"
яе знайшоў і вам вяртае!

А сам у пошуках любві.
Яна цвіла ў яго. Калісьці.
Пакуль аднойчы — сэ ля ві —
не раструсіў, як вецер лісце.

Цяпер вось маецца, бядак,
у недарэчнасці рэалій.
Мо натыкнецеся няўзнак,
апавясцiце: "Адшукалі!"

І не праходзьце мімаходзь
у гразь убітага сумлення!
Былы ўладар яго стакроць
пашкадаваў пра "прабадзенне"

сваіх кішеняў. І душы.
Цяпер жабруе — ледзь не плача.
Дапамажыце! Не грашы
ягоны ўрон — "у рэчцы мячык",

а тое, што, як голас звыш,
было сапраўдным блаславеннем.
Дык, калі ласка, людзі, вы ж
таксама "сейбіты" "каменняў",

чыесьці знойдзеце — да нас
цягніце хуценечка! Згода?
Куды, пытаеце? У БАЗ —
Бюро Адказнейшых Знаходак!