Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Жывое прагне жыць

Сярэдняя: 4 (4 галасоў)

Жывое прагне жыць.
Насуперак нягодам.
І нават на мяжы
быцця і небыцця.
І сонца, і дажджы
кунежаць тыя ўсходы,
што ў неба праз глыжы
імкнуцца — да жыцця.

Жывому трэба жыць.
Хаця нішто не вечна.
Ды колькі "міражын"
усходзіць праз асфальт!
Але чаму, скажы,
о мудры чалавеча,
у свеце ты адзін
жыццю гаворыш: "Хальт"?

Жывое будзе жыць!
Я веру ў гэта, знаю:
адплачуць капяжы,
расчуліцца зямля
і з ластаўкай душы
вясной, у светлым маі,
зноў вернуцца стрыжы...

і ты, любоў мая...