Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Зямля бацькоў, ты зажурылася...

Сярэдняя: 5 (1 голас)

Зямля бацькоў, ты зажурылася,
Няма той радасці ў вачах,
Нібы да плоту прытулілася
З дрыготкай хіласцю ў нагах.

Вось хатка ў садзе ‒ пакасілася,
Няма каму збіраць апад,
Чарэшня долу пакланілася ‒
Няма шляхоў у той май, назад.

Зямля бацькоў, ты развіталася
З апошнім прывідам вятроў,
Што поўняць ветразі барвовыя,
Юначых мрояў і шляхоў.

Чаму ж так прыкра атрымалася,
Апошні выкрык жаўрукоў…
Сцяжынка ў жыце ‒ абарвалася…
Нам не сустрэцца тут ізноў.