Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Біяграфія Яўгеніі Мальчэўскай

Malcevskaya_J.jpg

Нарадзілася 25 жніўня 1949 года ў вёсцы Замошша Чашніцкага раёна Віцебскай вобласці ў сялянскай сям'і. Сапраўднае прозвішча - Крыжаноўская. Вучылася спачатку ў Замошскай пачатковай школе, потым у Заслонаўскай сярэдняй школе. Пасля паступіла ў Бабруйскі тэхнікум гумавай прамысловасці (1965), пасля заканчэння якога (1969) атрымала спецыяльнасць тэхніка-тэхнолага і працавала прасоўшчыцай-вулканізатаршай на Бабруйскім заводзе гумавых вырабаў. У 1970 г. прызначана карэктарам рэдакцыі бабруйскай аб’яднанай газеты “Камуніст”, у 1972-1973 гг. супрацоўнік рэдакцыі чашніцкай раённай газеты “Чырвоны прамень”, у 1973-1978 гг. вучылася на беларускім аддзяленні філалагічнага факультэта БДУ. Пасля яго заканчэння накіравана на працу ў Равінічы (Чэрвеньскі раён), дзе выкладала ў школе беларускую мову і літаратуру. У 1980 г. пераехала з мужам на Віцебшчыну і працавала ў школе працоўнай моладзі. З 1987 г. выкладала беларускую мову ў школе г. Талачына, з 1989 г. – у школе г. Віцебска.

Першыя вершы “Залатая мяцеліца”, “Серабрыліся ля хат таполі…” і інш. апублікаваны ў 1969 годзе ў газеце “Магілёўская праўда”. Затым вершы змяшчаліся ў калектыўных зборніках “Вёсны”, “Нашчадкі”, “Любі будзёны дзень”, “Дзень добры, мама”, “Дзень паэзіі”, у раённым, абласным, рэспубліканскім друку. Аўтар паэтычнага цыкла “Святло асенняе зярнят” (у зб. “Нашчадкі”), зборніка “Залежнасць”. З’яўляецца аўтарам апавяданняў “Мачаха”, “Яраслаўна”.