Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Зміцер Арцюх

Сярэдняя: 4.2 (12 галасоў)

Зіма ў зімовым Навагрудку ––
Старонка памяці маёй
У кнізе “Радасны настрой”.
Зіма ў зімовым Навагрудку ––
То мой шчаслівы неспакой...
І еду я ізноў на Рутку...
Зіма ў зімовым Навагрудку ––
Старонка памяці маёй.



Сярэдняя: 4 (14 галасоў)

За акном шалее завіруха ––
Там няма для танцу перашкод.
І яе верлібравыя рухі
Прымушаюць сесці ў маралёт.

І нясуцца думкі. Невядома
Дзе прытулак знойдуць, ажывуць...
З мітусні вярнуся я дадому,
Каб паветра чыстага глынуць.



Сярэдняя: 3.9 (7 галасоў)

Мне снішся Ты і Навагрудак.
І я па горадзе сумую
Ў зіму завейную і злую,
Мне снішся Ты і Навагрудак.
Ізноў я голас мамы чую.
І ёй адной скажу пра смутак.
Мне снішся Ты і Навагрудак ––
І я па горадзе сумую.



Сярэдняя: 4.5 (6 галасоў)

У гэтым сне з Табою бачыў неба,
І мы ляталі ў сонных гарадах.
Пакліч ізноў! Табе ж сягоння трэба
Да новай зоркі блізкі выбраць шлях.

Зусім не цяжка. Гэта мне пад сілу —
Табе дарогу ў неба паказаць.
Якое шчасце — мець за спінай крылы,
Калі душы так хочацца лятаць!