Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Апантанасць

Сярэдняя: 4.7 (3 галасоў)

Намаж мяне на скібку хлеба
cалодкім трускавічным джэмам,
налі мяне гарачай кавай
у любімы кубак
раніцою
МНОЮ
пачні свой дзень

Мяне стракатым парасонам
у дождж раскрый над галавою,
мяне навінаю цікавай
у газеце прачытай
апоўдні
свой дзень
МНОЮ
ты працягні

Мяне на стомленыя плечы
накінь пухнатай цёплай коўдрай,
мяне цыгараю духмянай
салодка запалі
ўвечар
скончы свой дзень
МНОЮ.