Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Чарнуха

Сярэдняя: 2.7 (3 галасоў)

Гадоў прайшоў вялікі статак,
Ды год рыкне той
I душа
Замрэ:
Ўваходзіць мама ў хату:
– Чарнуха з пашы не прыйшла!
Глухою восенню дзічэе
Скаціна ў поле, ў лес бяжыць.
Мы больш яшчэ асірацеем,
Калі дзе воўк...
Як будзем жыць?

Ды я кажу:
– Пакуль не трэба
Нам плакаць. –
I выходжу ў ноч,
I натыкаюся на дрэвы...
Хоць не параніць бы мне воч.

Каб ноч была хоць трохі зорнай,
Мо, засвяціўся б лоб, ці бок.
Каб не была карова чорнай,
Калі б яна была рабой.

Змахнуўшы слёзы, стаў я клікаць,
Гукаць: «Чарну-уха!» колькі раз
Пакуль да радасці вялікай
Пачуў рыканне у адказ...

Гадоў які йшчэ пройдзе статак,
Ды год рыкне той
I душа
Замрэ:
Ўваходзіць мама ў хату:
– Чарнуха з пашы не прыйшла!..