В. Гiруць-Русакевiч
У Ваш асеннi юбiлей,
Хоць мы не побач, бач, але:
Жадаю жыць, любiць, здзiўляцца.
Жадаю - верыць i кахаць,
Умець парыць – умець лятаць,
Тварыць i захапляцца!..
Дай бог, утульных вечароў,
Адкрыццяў новых i сяброў,-
Што i раней бывала.
У Ваш цудоўны юбiлей
Я веру: лёс яшчэ пашле
Прыемных момантаў нямала!..
Жыцця асвоiўшы урок,
Яшчэ напiшацца радок,
Якiх паэт чакае...
А як напiшацца той верш,
Пакажаш – сябру, мо, найперш,
Унуку, хто верш пачытае?..
Дай бог, нiколi не хварэць,
Дай бог, душою не старэць,
Каб лад царыў у хаце.
Каб i наступны юбiлей
Сустрэць у згодзе i цяпле...
Дабра адно Вам, шчасця!..