Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Дрэва шчасця

Сярэдняя: 5 (4 галасоў)
Дрэва шчасця – унікальная знаходка, Што пад Лепелем, у Окане, расце: Два ствала з адзінай кронай – аднагодкі – Быццам людзі, што сышліся пакрысе. Дрэва шчасця – гэта целы так зрасліся У калісьці аб’яднаўшыхся хваін – Нібы душы, што ў каханні абняліся, Нібы лёсы, што злучыліся ў адзін. Дрэва шчасця... Кажуць, што пад аркай тройчы Прапаўзеш, абдымеш крохкую кару, Перахрысцішся, папросіш шчасця моўчкі – І твае жаданне споўніцца ў пару. Дрэва шчасця… Ці вам гэта даспадобы? Хто не марыць век у радасці пражыць? Прытуліўся – і знікаюць усе хваробы, Памаліўся – і сумленне не свярбіць. Дрэва шчасця… Вось бы нам туды… Дык мы бы… Веры ў цуд у апантаных не суняць! Ажно едуць і з замежжа на сядзібу, Каб свой лёс пад гэтым дзівам параўняць. Дрэва шчасця! Сціплы скарб маёй Радзімы! Трэба толькі ўслых жаданне загадаць: Каб не згінуць, і каб мы былі адзіны, І каб трохі шчасця людскага спазнаць… 23.05.2010 Паводле артыкула А. Кляшчука "Пад дрэвам шчасця" у "Звязде" ад 19 мая 2010 г.: http://zvyazda.minsk.by/ru/archive/article.php?id=58762&idate=2010-05-19 adidas