Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Галінка

Сярэдняя: 4 (4 галасоў)

Ты адхінула росную галінку,
Адкрыла мне чаромхавыя нетры.
І я да цішы белай прытуліўся
I захлынуўся маладым паветрам.

Пасьля вяртала памяць неаднойчы
Імгненьне, дзе адчайна выплывалі
З пялёсткавай завеі толькі вочы,
Шчасьлівыя, без парушынкі жалю.

Мой дзень,
Як колас,
Долу пахіліўся
У полі апусьцелым, безгалосым...
А тая — з-пад рукі тваёй —
галінка
Калышацца, гайдаецца над лёсам.



І гэты, і іншыя вершы Сяргея

І гэты, і іншыя вершы Сяргея Законнікава валодаюць містычнай магіяй, яны здольныя імгненна браць у палон пачуцця душу і жыць там вечна.