Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

ГIМН ПАЎСТАНЦАЎ 1863 ГОДА

Сярэдняя: 4.4 (18 галасоў)

Даволі стамляцца ў прыгоне,
Даволі марнець у журбе!
Пад сонцам свабоднай Пагоні
Падымем штандары свае.
Дармо мы шапталі малітвы,
Дармо вы хацелі вайны!
Iдуць на апошнюю бітву
Вялікага Княства сыны.

Паўстанем за свабоду, брацце!
Узнімемся на люты бой!
Няхай святоўнае распяцце
Вядзе да волі за сабой!

Мы доўга пакорна трывалі
Ад вашых прытворных даброт,
Ды раптам узнесліся хвалі –
На бітву ўсхапіўся народ!
Абрыдла яму невідушчым
Канаць у гнілы драбназём.
З кутоў Белавежскае пушчы
Мы шэрагам шчыльным ідзём!

Паўстанем за свабоду, брацце!
Узнімемся на люты бой!
Няхай святоўнае распяцце
Вядзе да волі за сабой!

I з кожным упэўненым крокам
Мацнее наш палкі парыў
На зло баязлівым прарокам,
Двудушных ханжэй супраціў!
Падобна да бурнай лавіны
Мы знішчым варожы хаўрус.
Вы чуеце покліч, ліцвіны?
Наперад, за Белую Русь!

Паўстанем за свабоду, брацце!
Узнімемся на люты бой!
Няхай святоўнае распяцце
Вядзе да волі за сабой!