Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Гледзячы з-пад рукі

Сярэдняя: 1 (1 голас)

Такое з-пад ілба хіба убачыш?
Такое можна ўбачыць з-пад рукі.
– Кузю-кузю, майго маленства ветрык! –
А некалі ж губамі – да шчакі!

А некалі ж на ворыве
Ішоў я
Крыклівым грачанём
Па баразне
Услед за бацькам.
Як любіў каня ён!
Яго не гладзіў пугай па спіне.

– А цягавітасць нам з табой да твару! –
Казаў і ў свіран дзверы адчыняў...
І конь, на бацьку гледзячы рахмана,
Падковай шчасця
Шыю выгінаў!

Таму пасля ніяк не мог паверыць.
Усё чакаў, развейваючы сум,
Што гаспадар ад нас пайшоў у неба,
Каб там начэрпаць зорнага аўсу...