Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Калі...

Сярэдняя: 5 (2 галасоў)

Калі туманы лістапада
Душу ахутаюць прасцінай,
Калі за хмарамі нязлада
Ў вачах пакораю застыне,

І бізуном ашчадны дождж
Смальне па набалелых ранах…
Ты не спыняйся, руш і кроч
Зрываючы адзенне зманаў…

Калі насустрач словастрэл
Лаўжом скаронасці абдыме,
Калі лістотаю растрэл
Сэрцабіццё усё ж не спыне,

І на абшарах цвінтароў
Груган у Ніжні Свет пакліча,
Не слухай ні чужых, ані сяброў
Ідзі пакуль лёс крокі лічыць.

Калі твой Жыцень ў паплавах
Дыханнем Наўя акаляе…
Рабізнай хваляй на ставах
Калі твой шлях ён вымярае –

Не прыпыняйся. Стома – стогн,
Апошняе сумоўе з сонцам.
Яшчэ адзіны кволы крок –
І адляціць у вырай восень…..