Калі адцвітаюць каліны
I ў вырай спяшаюцца дні,
Шукаю пад крык жураўліны
Калодзеж лясной цішыні.
Згушчаюцца зоры над дубам
I свецяць халодным агнём.
Калі нахіліцца над зрубам,
Ты можаш іх бачыць і днём.
Прыняўшы жыцця эстафету,
За сонца прыходзіць імгла,
Трымаюць цвярдыні сусвету
Калоны густога святла.
Галін пацяжэлі аркады,
I лес прымірэнча гудзе:
He страшны ніякія страты,
Калі побач хлопчык ідзе.