Скача ў полі верабейка,
Спаць не хоча наш Мацейка.
Заблудзіліся дрымоты,
Пратапталі нават боты.
Я дрымоты пагукаю.
Калыханку праспяваю.
Люлі - люлі, люлі -бай.
Спі, наш хлопчык, засынай.
Адгукнуліся дрымоты,
Прыляцелі на вароты.
Люлі - люлі, люлі-бай.
Спі, наш хлопчык, засынай.
Я вароты адкрываю,
Сон-дрымоту запрашаю.
Люлі-люлі, люлі-бай.
Спі, наш хлопчык, засынай.
Прытуліўся сон да шчочкі,
Закрывай, наш хлопчык, вочкі.
Люлі-люлі, люлі-бай.
Спі, Мацейка, засынай.
Засынае ўся сямейка,
Нават у полі верабейка.
Люлі-люлі, люлі-бай.
Спі, Мацейка, падрастай.