Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Карацелькі

Сярэдняя: 4.6 (5 галасоў)

Згодна прымаўкі расхожай,
Не нараджайся ты прыгожай.
Ёсць захад тут і іншы лоўкі,
І ён, бясспрэчна, дапаможа:
Ты завядзі сабе сяброўку
З абліччам вельмі непрыгожым.
*
Покуль мяч ляцеў дырэктару ў акно,
Ужо ў хованкі дзеці гулялі даўно.
*
Чатыры стадыі ап’янення суседкі Амілі:
Прыйшла. Прыпаўзла. Прынеслі. Па дарозе згубілі.
*
-Мяне знайшлі ў капусце,
-А мяне дык прынёс бусел,
-Мяне з інтэрнэта скачалі праз сканер,
-А мае тата з мамай усё робяць самі.
*
-Я, калі нап’юся,
Нікога не баюся.
-І сваю жоначку Святлану?
- Не п’ю я да гэткага стану!
*
-Экзамен здала, маю права машыну вадзіць.
Якую ты марку параіш купіць,
Стыльную, арыгінальную?..
-Найлепей, каханая, - пральную.
*
Ёй трэба ўлюбіцца, жаданне прыйшло -
“Эх штосьці даўненька праблем не было!”
*
Хтось цела ў спартзале сваё даглядае,
Карысную ежу заўсёды ўжывае.
А я дык з душою ўпарта сябрую -
Гарэлкай яе рэгулярна частую.
*
Каб сёння вам прыкметным стаць,
Зусім непатрэбна грунтоўнай асновы,
Трох простых учынкаў такіх дастаткова:
Не піць, не курыць і кніжкі чытаць.
*
-Дзяўчына, вас праводзіць можна?
-Можна. Толькі асцярожна:
Мая мама вельмі чуйна спіць -
Нам прыйдзецца на дыбачках хадзіць.
*