Год мінуў, як князёўна ў палоне.
І ня вызваліць хто яе…
А ці ёсьць на зямлі каханьне?
А ці рыцар на сьвеце ёсьць?!
«Ма-ма-ма-ма…» –
Дапамогі князёўна шукала.
«Князь чужы, не пазнаць!»
Выкуп коштам палаца
Давядзецца бацькам зьбіраць.
Казка новая пачалася
(Тая, першая, з сумным канцом!).
Раптам князь ажаніўся з другой.
І калі ён пасьпеў закахацца –
У няволі, пад грукат вайны,
На якой сам калісьці змагаўся
І дзе гінуць цяпер браты…
Нібы чары якія, насланьне…
Фотаздымак зь вясельля ў пасланьні.
Не паверыць яшчэ,
Ды ўжо лепш не прыдумаць.
Хэйт Рамэа,
Булінг антыгероя.
«Выбар мой. Мне ня трэба прызнаньня!»
Толькі бачыцца зноў твар Эміля…
Кайданкі замест крылаў.
Адусюль бумэрангамі здрада,
У тумане прадоньне падману.