Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Красавік

Сярэдняя: 4.2 (32 галасоў)

Верш для дзяцей.

Красавік - вясны усмешка!
Ручаёк прачнуўся, гай.
У вандроўку кліча сцежка.
Поўніць лес птушыны грай.

На разгалістых таполях
Мітусьня - кішаць гракі.
Рунь азімую у полі
Грэюць песняй жаўрукі.

Поіць свежасцю паветра
Дзень вясновы, малады.
Чэша хвалям грывы ветрык
У азёрнае вады.

Пералескі-першацветы
Вабяць погляды здалля.
Габелены тчэ ў букетах
Красавіцкая зямля.

Сонца глебу выгравае.
Выўшлі ў поле трактары.
Недалёка пасяўная -
Узараць бы да пары!

Колькі радасных турботаў!
Дзень вясновы корміць год.
А людзей, як пчолаў з сотаў,
Цягне ў поле, ў агарод.

© Copyright: Людмила Воронова Супрун, 2019
Свидетельство о публикации №119032804160