У шкарпэтках і швэдры пуховым спаць сёлета цёпла.
Трэба толькі з-пад коўдры і трох-чатырох пакрывалаў
не высоўваць "вытокі сугрэўныя" — выдыхаў "соплы" —
каб стварыць унутры ратавальнае "летанастала".
І пры тым спадзявацца — наіўна, аднак, апантана:
ноч міне — і, нарэшце, пагрукаўшы нечым у сенцах,
у чарговы, чаканы да дрыжыкаў, чэрвеньскі ранак,
пашкрабецца заспанае сонца "і ў наша акенца".
Уварвецца, абдыме, як роднае, і... расцалуе,
і пакліча на рэчку: "Угрэла? Гайда асвяжацца!"
І суцешыць усіх, хто на лета "зімовае" злУе
кардынальнаю зменай касцюмаў і арт-дэкарацый!
І зайграе на хвалях, бы зграйка малькоў мітуслівых,
І спатоліць душу "сонца-пырскавак" пеністым душам...
Ну памарылі — й годзе!
Бо сёння —
ізноў
"не Мальдзівы":
парасон,
паліто,
нагавіцы...
І шапка — на вушы.))))
18.06.2017