Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

ЛЕЖАБОК

Сярэдняя: 5 (4 галасоў)

Дзень бывае ў школе,
Два зусім не йдзе.
Брындае па волі
Невядома дзе.

Ці ляжыць ў пасцелі,
Нібы той мядзведзь-
Вочы ссалавелі,
Боль у галаве.

Вылезе з пасцелі
Гляне за вакно:
Далі зацямнелі-
Цягнецца ў кіно.

Лыпае да стомы
і да болі воч,
Вернецца дадому,
Як настане ноч.

Папрацуе лыжкай-
Валіцца на бок,
і не гляне ў кніжку
Гэты лежабок.

Прыйдзе ён у школу
На чацвёрты дзень-
Тупіць нізка голаў
За спіной дзяцей.

Толькі возьме кніжку
Паглядзець урок-
Пазяхае Мішка,
Дрэмле разумок.

Вызаве настаўнік
Адказаць урок-
Схіліць Мішка станік,
Апускае зрок.

і маўчыць - ні гуку,
Нібы ён знямеў.
Так па ўсіх навуках
Двоек шмат займеў.

Дзень бывае ў школе,
Два зусім няма:
Брындае па волі,
Траціць час дарма.
1970