Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Максіму Багдановічу

Сярэдняя: 4 (3 галасоў)

Максім,
хацелася б пачуць
твой ціхі голас у размове,
што здольны выказаць так многа
у мудрым паэтычным Слове.

(Хацелася б,
ды немагчыма)

Максім,
хацелася б спазнаць
тваю душу, што быццам мора,
так хвалявалася й спявала
тужліва, шмат спазнаўшы гора.

(Хацелася б,
ды немагчыма)

Максім,
хацелася б вярнуць
цябе з нябыту ў родны кут,
каб зноў ты зачароўваў песняй,
якой здаўна не чулі тут.

(Хацелася б,
ды немагчыма)

Але ж магчыма
вобраз светлы
Максіма ў сэрцы захаваць.