Мая малая радзіма
Малая радзіма мая –
вялікая, слаўная Ліда,
з якою я сэрца спаяў,
з якою душа мая зліта.
Радзіма малая мая –
дзе замак стары Гедыміна
глядзіць, у мінулым ваяр,
у сіняе возера мірна.
Малая радзіма мая –
дзе ціхая рэчка Лідзейка
віецца, нібыта змяя;
дзе “лакі”, “малочка”, “ліцейка”…
Радзіма малая мая –
дзе шмат прадпрыемстваў працуе.
Вядомая ў многіх краях
прадукцыяй Ліда-красуня.
Малая радзіма мая –
дзе высіцца з бронзы Скарына…
Я Ліду гатовы абняць,
бо сэрца яна пакарыла.
Радзіма малая мая,
прыгожая, мілая Ліда,
я сэрца з табою спаяў,
з табою душа мая зліта!