Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Мінаю рэкі і брады...

Сярэдняя: 4.5 (6 галасоў)
Мінаю рэкі і брады.
Яшчэ бруяць крыніцы.
Хоць не знайсці жывой вады,
Было б жывым напіцца.

А хто крынічку задушыў —
He пашкадуе мора.
Няма прасторы для душы,
А цэлы свет —
                     прастора.

I ўсё вяртаецца да нас,
Што высахла, забыта.
Дзе ў нябыт ступае час, —
I час ідзе з нябыту.