Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

На Масленку

Сярэдняя: 4 (5 галасоў)

Хоць сівер дзьме яшчэ парой,
Сняжынак кружыць рой,
Аднак ужо чароўная
Вясна не за гарой!

І як у нашых прадзедаў
Было спакон вякоў, –
Ў гуморы добры люд гудзе –
Здалёк чуваць вакол.

На Масленку спяшаемся
Да цёшчы на бліны.
З маканкаю, з варэнькамі
Ой, смачныя яны!

Сустрэўшыся, абдымемся,
Бо ў згодзе зажылі, –
Пра той блінец забылі мы,
Што комам быў калісь!

На Масленку спяшаемся
К свякроўцы на бліны.
Як сонейка вясновае,
Так радуюць яны!

На Масленку разгульную
Вуркочацца кату,
Бо і яму падносім мы
Такую смакату!

І дзеці, і дарослыя,
Катаемся з гары,
І стаўшы ў круг, любуемся:
Зімы касцёр гарыць.

І Масленку праводзячы,
Не трэба гараваць, –
Адзін другому будзем мы
Памылкі дараваць…