Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

На вагі, на вагі, на вагі...

Сярэдняя: 3.7 (3 галасоў)
                     Бабруйская зверагаспадарка прымае
                     ў неабмежаванай колькасці коней па
                     цане 40 кап. за адзін кілаграм жывой
                     вагі.
                                                          Аб'ява ў газеце

На вагі, на вагі, на вагі,
Ветэраны капытнай цягі!

Смялей, вараныя, гнядыя!
Больш хамут не намыліць шыю.

На вагі, на вагі, на вагі,
Палёў рабацягі!

Кілаграмы — вага жывая:
У вачах — туга незямная.

Дармаеды, бадзягі, —
На вагі!

Адшумела, адкаласіла
На загонах конская сіла.

Hi на ломаны грош павагі, —
На вагі!
 
Сёння цяга ў пашане ракетная —
To адкрытая, то сакрэтная...

На вагі, на вагі, на вагі, —
Дых займаюць маторы, як магі.

Сёння сілай адзін бензакур
Сарака вашых варты скур!

На вагі, на вагі, на вагі —
I ніякае звягі!

Расквітайцеся з рабскаю скураю,
Даўкім потам і пылам пракуранай.

Боты, партфелі, крагі, —
На вагі!

Утаймуйце пражэрлівы нораў
Чорна-бурых лісіц і норак!

Каб нафутрылі модніц раймагі, —
На вагі!

Кілаграм — па чатыры грыўні...
Спяць вятры ў скасмыленай грыве...

Дзе падкова сталёвай адвагі?
Як зямля, гайдаюцца вагі.

Кілаграм — па чатыры грыўні.
Кілаграм, капытамі грымні!