Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Не бачна слоў, абрысаў не чуваць...

Сярэдняя: 5 (2 галасоў)

Не бачна слоў, абрысаў не чуваць,
Ды слотай набрыняе наваколле.
Тут быў разлог, квітнела сенажаць,
Цяпер – пачвары танчаць на вуголлі.

Рапухі разяваюць зяпы зноў,
А ў немаўлят – кляймо на сцятым роце.
У прыцемку ад стоеных муроў
Вусаты чорт стварыў свой цырк на дроце.

Згубілася ў балоце лёсу ніць,
У нетрах сталі варушыцца змеі.
I толькі лес абурана рыпіць;
Але дрыгва… яна – шчэ больш дрыгвее.