Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

невыбітнае пакаленне

Сярэдняя: 4 (4 галасоў)

народжаныя ў 80-я
мы глыбока траўмаваныя 90-мі
мы нясем гэтую траўму праз лёс
ні ў чым не знаходзячы радасці

мінулае нашае
дзяцінства нашае
стаіць увесь час у нас
перад вачыма

мы грубыя
мы бяздушныя
мы цынічныя
неўратызаваныя
псіхапатычныя

вы

народжаныя напрыканцы 90-х
на пачатку нулявых
мяккія
надта пазітыўныя або
надта аутычныя
фрагментарныя

нас жыццё стаміла ў 30
а вы ўжо нарадзіліся стомленымі
вы любіце моцную каву й мафіны
а мы напіцца

і пакуль
мы не сыйдзем адсюль навечна
разам з нашай незадаволенасцю
нашай нянавісцю
нашай бездапаможнасцю

вам
з вашай траваяднай пакорай
вашым жыццялюбствам пустапарожнім
вашай млявай нішчымнай дэпрэсіяй
ня будзе спакою

мы

быццам жывёлы хворыя
будзем гнацца за вамі
да скону

і кусаць
кусаць
кусаць