*****************************************
Больш не хачу ні мёду, ні смуроду -
Сама з сабою ў згодзе жыць хачу!
Пад гукі незакончанай мелодыі
Да зорак летняй ночкаю злячу...
Адзінаю, пяшчотнай і жаданай
Мяне каханы будзе называць.
Не прылячу я ў сны твае пад ранак,
А, можа, і заблукаю ў іх - як знаць...
Табе ўсяго найлепшага жадаю.
За тое, што кахала, выбачай...
У яблынева-пенным садзе мая
Пялёсткамі злятае мой адчай...
Не трэба твайго мёду і смуроду,
Сыду далей ад гора і бяды
І ноты незакончанай мелодыі
Пакіну ў тваім сэрцы назаўжды...
17.06 - 2015г.
Добры верш!
Добры верш!