Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Полацкі санет

Сярэдняя: 4 (1 голас)

Квітнее буквіц родны першацвет,
Нягледзячы на холад і прынуку.
Радкі як шлях – накшталт старога бруку –
Між забабонаў, прымхаў і прыкмет.

Мы ў гэты каламутна-творчы свет
Прыйшлі адтуль, з вытокаў кнігадруку.
Святло нам даў і добрую навуку
Скарынаў старадаўні запавет.

Набатам б’е і ў наш няўцямны час
Наказ, нібыта пісаны для нас:

Каб шанавалі мы свае вуллі
І ведалі святыя радаводы…
Асвета – соль бацькоўскае зямлі,
Падмурак нашай будучай свабоды!

2001