Прабітая каска
Напісана пад уражаннем ад музейнага экспаната – салдацкай каскі
Перажыў атакі
ворага ліхога
шлем стальны салдацкі –
каска-халхінголка.
Ад яе залежыць
воіна жыццё –
касцы, уцалеўшы,
дзякаваў за ўсё.
Ваявалі ў шлемах
з фінам і з фашыстам.
Халхінголка злева
куляю прашыта…
Нашы адступалі.
Бой кровапралітны.
Нашы хлопцы палі
ў касках у прабітых.
Паў хлапчына хвацкі,
і сябры паснулі:
шлем стальны салдацкі
не ўбярог ад кулі…