Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Прас

Сярэдняя: 5 (1 голас)

У праса —
Пачэсная праца.
Сваю цеплыню дорачы,
Тугая далонь праса
Гладзіць заўсёды горача.

Якое адзенне асмеліцца
Пазбегнуць з ім сустрэчы?
Ніц перад прасам сцелюцца
Рознага крою рэчы.

Сваёю вагой расправіць
На плацці кожную складку.
У праса галоўнае правіла —
Абы было гладка.

Ён цэніць як лепшую вартасць
Шаўковае паслушэнства.
Затое суконная ўпартасць
Даводзіць яго да шаленства.

Бывае, такое падсунуць,
Што прасу робіцца млосна.
Калі ж на яго плюнуць,
Як ён шыпіць злосна.

Па шоўку пройдзецца лёгенька,
А на сукно падналяжа...
Яго жалезная логіка
Каму правату не дакажа?