Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Радыяцыя — нябачны акупант...

Яшчэ не ацэнена
Радыяцыя — нябачны акупант.
Зведаўшы вайны былой законы,
Дзед Нупрэй стаіць, як
                                     эмігрант,
На мяжы стаіць
Закрытай зоны.

За шлагбаумам — панылая
                                           шаша.
Могілкі — за пажаўцелым гаем.
Там яго маркотная душа
Па сялу здзічэламу блукае.

Там чамусьці ў рост пайшоў
                                            палын,
Спавівае хаты горкім лёсам.
Там чамусьці жураўліны клін
Доўга-доўга кружыцца над
                                           плёсам.

За ракою — пыхкае АЭС.
Без людзей — пагорбіліся
                                           хаты.
Вось дзе ён канчаецца,
                                  прагрэс:
У руках з рыдлёўкамі —
                                        салдаты.
Як жа будуць хлопцы ваяваць,
Дзе яны, няўлоўныя нукліды?
Іх, злачынцаў, некаму караць.
І не пойдзеш з імі ў бой
                                     адкрыты.
Думаецца дзеду на мяжы:
Пачынаць патрэбна, мабыць,
                                           справу
Ад дэзактывацыі душы
Тых, хто любіць
He людзей,
А славу.