Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Слова пра слова

Сярэдняя: 5 (1 голас)

І. С.

Як на чужым стаяў,
Ледзьве стаяў я часта...

На развітанне
я
Слова Вам даў
на шчасце.

Ласкай нябёс
На нас
Хмарка вярбой звісала...

Мне Вы тады
ў адказ
Слова далі –
таксама.

Добра, што маю я
Слова,
што сілу мае.
Слова стрымаю я –
Слова мяне стрымае.

Нават калі я
ліст
Восеньскі
атрымаю,
Мо, не стрымаю слёз –
Слова, аднак, стрымаю.

Многа прыгожых слоў
З вуснаў маіх злятала.

Гэта ў мяне ўрасло
Слова,
што целам стала!

Што нам пакажа час?
Што добры час нам скажа?
Як ён не ўважыць нас –
Нашых двух слоў не звяжа?!.