Я зноў з табою,мілы Сочы,
І сэрца радасна пяе.
Хай будуць дні твае і ночы
Цудоўнай казкай для мяне.
Бульвары, вуліцы і паркі
Ў дзіўнай квецені гараць,
І хвалі мора ў дзень не жаркі
Чароўнай музыкай гучаць.
Як струны скрыпкі Страдывары,
Пяе нябачны салавей,
Як над гарамі тыя хмары,
Гуляюць думкі ў галаве.
Як фантастычныя якія
Стаяць палацы на гарах
І мора блёсткі залатыя
Іграюць цудам у вачах.
Бягуць масты і віядукі
Цераз цясніны сініх гор,
І вечар вогненныя рукі
Узняў ад радасці да зор.
Я зноў з табою, мілы Сочы,
І сэрца радасна пяе,
Хай будуць дні твае і ночы
Цудоўнай казкай для мяне.