Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Сон

Сярэдняя: 3.5 (2 галасоў)

Я сасніў сваю матулю:
Быццам бы яна жывая,
І мяне пасля работы
У доме нашым сустракае.

Ставіць хлеб на стол і кашу,
Налівае суп у міску,
А у кубак – сыраквашу,
І дае мне ў рукі лыжку:

-Еш,сыночак,ты ж стаміўся,
Цэлы дзень,відаць,без ежы,
А мой суп якраз зварыўся,
І вось хлеб купіла свежы.

І я ем і суп,і кашу,
І кусаю з ломця хлеба.
Запіваю сыраквашай.
Мяне ўпрошваць не трэба.

А яна насупраць села,
Ды рукой шчаку падпёршы,
Задаволена глядзела,
Які сын ядок харошы…

Сон праходзіць,адлятае –
Я прачнуўся ноччу ў ложку,
Мамін вобраз успамінаю,-
І на сэрцы сумна трошкі…