Птушачка мая, Галубка,
Сумна тут табе адной,
Да цябе пpыйду я хутка,
Лягу побач тут з табой.
Пахаджу па тых сцяжынах,
Што праходзілі з табой.
Памяць покуль не астыне,
З болем. радасцю, журбой.
Я сасніў цябе ўночы,
Чуў пяшчоту тваіх слоў,
Воблік бачыў твой на вочы,
Да магілкі вось прыйшоў.
У мяне у душы зімова,
У грудзях усё гарыць,
Некаму прамовіць слова,
Некаму душу адкрыць.
Сумны позірк з фота бачу,
Ты ў сырой зямлі ляжыш.
Ля твае магілкі плачу,
і цяплее на душы.
Пахаджу яшчэ на свеце,
Каб пабачыць больш пакут.
Покуль вочы крыху свецяць,
Покуль лягу ў зморы тут.
15.08.1991