Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

У мяне ёсць мара глыбінная...

Сярэдняя: 5 (2 галасоў)
У мяне ёсць мара глыбінная:
Здаць мясцкому ўсе ключы
I з сталіцы, як з лабірынта,
У лясныя нетры ўцячы.

Пасяліцца ля песні чыстай —
Нетаропкага ручая,
У сядзібе зялёналістай
Бестурботніка — салаўя.

Ды пакуль пачакайце,
Лясныя нетры,
Ручаёк булькатлівы,
Баравое паветра.

Я шчэ маю сяброў,
Без якіх
      мне нідзе
      не ўсядзіцца, не ўспіцца,
Я шчэ недругаў маю,
З якімі
      ніяк не магу
      не счапіцца!